شعراء العاميّة
صلاح جاهين
والله ان عطانى زمانى لاسكنك
يا مصر
واعمل فيكى جنينة ومن فوقيها
قصر
واجيب منادى ينادى بعد
العصر
اللى بنى مصر كان فى الاصل
حلوانى
أحمد فؤاد نجم 
الشاعر البذيء
كما كان يسميه السادات رحمه الله
مرحبا
بعد السلام والمرحبا
يا اولاد بلدنا يا طيبين
نفرش كلام المصطبة
واضح لكل السامعين
مصر الحبيبة الطيبة
أم البنيّة والبنين
ايش حالها في عز الصبا
ايش حال ولادها المخلصين
وسط العواصف مركبة
بين ريح شمال وريح يمين
**********
الخط دا خطي
والكلمة دي ليا
غطى الورق غطي
بالدمع يا عنيّا
شط الزتون شطي
والأرض عربية
نسايمها أنفاسي
وترابها من ناسي
وان رحت انا ناسي
ما تنسانيش هى
**********
دور يا كلام على كيفك دور
خلي بلدنا تعوم في النور
وارمي الكلمة في بطن الضلمة
تحبل سلمة وتولد نور
************
RSS Feed (xml)
هناك تعليق واحد:
برجاء الربط لمدونة كل العرب ولدليل مدونات العرب
إرسال تعليق