هايغيروك .. قصيدة عامية



هذه قصيدة صديقي و قريني التدويني


آدم


أنشرها هنا بعد استئذانه لنستمتع سويا بجمالياتها



هايغيروك


ويعلموك


ازاي تعيش


من غير حبيب


وهايهتفوا لقلبك بصوت


مايهزنيش


أصل اللي باع قلبي وهواه


مايهمنيش


روح وارمي حضنك وسط أحضانهم هناك


مش راح يعيش


ابعد ابعد هناك


ماتحبنيش


اللي بيكسر يوم مشاعري


مايهمنيش


هايعلموك


ويغيروك


وهايعملوا لقلبك افيش


هنا الهوا ويا الدوا


خلص مافيش


هايلمعوك


وهايظهروك


وساعتها مش راح يعرفوك


بعد اما تقدم ف الهوا


راح يخونوك


ويبهدلوك


وف النهايه غيروك


وعني قدروا يبعدوك


وزغليلوك


بحطام أفيش


ومن عليه أوام شالوك


يا خسارة


يا خسارة


أصل في الاخر باعوك

هناك ٢٠ تعليقًا:

عمرو وجيه يقول...

رائعة يا صديقي


تعرف لما اعرف انك عملت بوست

بفرح جدا لاني بلاقي فعلا شيء له قيمة ادبية


جزيت خيرا يا كبير

الدرعمي يقول...

ربنا يكرمك يا دكتور و ده شعور متبادل .. منور المدونة يا قمر و أناشدك من هذا المنبر أن تسمح لنا بلقائك قريبا .. أنا خلصت امتحانات @ تحياتي @ آدم الدرعمي

Adam يقول...

جميله اوي وانا بقراها وكأنني بقرأها لأول مره

تحياتي

مجرد مدونة يقول...

آدم ده برنس :)
حلوة الصورة اوى على فكرة :)

الدرعمي يقول...

ده رأيي أنا كمان يا آدم

الدرعمي يقول...

مجرد مدونة : منور

كتكوته يقول...

جميله فعلا

تقبل مروري

الدرعمي يقول...

كتكوتة :

أهلا بك في المدونة

وفعلا جميلة

و مرور متقبل

نرجو دوام التواصل


تحياتي


آدم الدرعمي

إيناس حليم يقول...

صديقي العزيز
اولا احب اقول ان القصيدة جميلة جدا وموسيقتها حلوة..
بس أنا ليا استفسار بعد اذنك ومش معناه اي حاجة وحشة
مجرد استفسار

انت مرة علقت عندي في المدونة وانتقدت كتابتي قصة معينة بالعامية وساعتها افتكرتك معترض على الكتابة بالعامية عموما مع ان فيه ناس كتير برعوا في الكتابة بيها ومنهم احمد الفخراني اللي كنت بحكي عنه في البوست بتاعي..

ودلوقتي انت حطيت بوست جميل جدا لشعر عامي!!
ممكن أفهم وجهة نظرك؟؟
ولك خالص تحياتي

الدرعمي يقول...

أقولك يا ستي .. العامية لا تصلح أن تكون لغة كتابة لأنها لهجة و اللهجة فساد / انحراف لساني أما الأدب فهو الرقي باللغة من الفصاحة للإبداع الإفصاحي اللغوي القوي الرصين .. لذلك فلا تستطيع العاميات جميعا أن تصبح لغة كتابة راقية و الحال مختلف بعض الشيء في الشعر فالشعر العامي يسمع أصلا فهو نشاط كلامي لهجي و ليس نشاطا كتابيا لغويا لذلك نستمتع بشعر جاهين و الأبنودي مثلا دون الشعور بالذنب تجاه اللغة .. تحياتي لك أستاذتي العزيزة @ آدم الدرعمي @

micheal يقول...

لا يقل عنك في الموهبة والتمكن يا ادم
:)
تحياتي وبلغه سلامي

الدرعمي يقول...

ألف شكر يا ميشو @ شرفتنا @

Hossam يقول...

Hey My Friend
القصيدة حلوة اوى وبجد حبيت اقراها
ومع انها قصيرة بس فيها معانى حلوة اوى
بجد فرحان انى عرفت مدونتك لانها فعلا جميلة
تحياتى صديقى
سلام

الدرعمي يقول...

ربنا يكرمك يا حسام و طبعا أنا أسعد بوجودك ف مدونتي المتواضعة .. ربنا يديم المودة @ تحياتي @ آدم الدرعمي

الشعيني يقول...

تحياتى لآدم صاحب القصيدة الجميلة

اللى أمتعتنا جدا

وتحياتى ليك يا آدم الدرعمى لأنك دايما

بتقدم لينا أعمال ممتازه لمبدعين بجد

تحياتى

الدرعمي يقول...

الشعيني شاعر الصعيد القادم بإذن الله ; يا أخي لك جزيل الشكر و الامتنان و الحب و التحية @ آدم الدرعمي @

mostafa rayan يقول...

طبعا القصيدة حلوة
عايزيم نتقابل بقي انا وانت وهانى
ونشرب شاي على حسابك ... خلاص يا عم على حسابى بس شاي بس .. اللى عايز حاجه تانيه يدفع هو
تحياتى لك يا جميل

الدرعمي يقول...

طبعا لازم نتقابل بس هو يفتح موبيله و أنا مش هتأخر بإذن الله @ منور يا حبيبي @ آدم الدرعمي

Unknown يقول...

بصراحه
فنان يا ابن دين الاسلام """""""

وحشتنا خالص

اخبارك وعامل ايه """""""""""""

نفسنا نشوفك

ونتداوي برؤياك الكريمة""""""""""

الدرعمي يقول...

مين سي حنفي ! انت نورت ! أهلا بسيد المعلمين .. أنا بخير عاوز أشوفك طبعا بس اتفق مع عبده نتقابل يوم إخلاء الطرف إن شاء الله @ تحياتي لوجودك المبهج @ آدم الدرعمي

Related Posts with Thumbnails