أفيش فيلم




أفيش فيلم



كل اما اشوفه أفتكر حبِّي اللي فات



هو ليَّ



و انت ليَّ



والحياة دي كلها مخلوقة ليَّ



***



أنا اللي ممكن ارفضك



و انا اللي بردو هقبلك



أرفضك



أرفضه



أقبلك



أرجَّعه



كل شيء بالأمر مِـنِّي ينقضي



لسة يابني ما اتخلقش اللي يقول اِني بتاعته



لسة عقله ما اتعقلش اللي يظن اِني حبيبته



***



كل زهرة اتفتحت



وبرحيقها زهزهت



من حق عِـنْدِي



نحلتي هي اللي هتؤش الرحيق



والعسل معسوللي أصلا



حقي واللي يعترض هيتلدغ



***



ابعد يا شطور من هِنا



الحياة دي أصلها للي يسد



بكرة لما تتلدغ زي النهاردة ترتجع



تفهم إن الكون ده للي



يقتدر



يقسى



يدبح



في قلوب الغلبانين



اتـِّـكِـلْ

هناك ١٥ تعليقًا:

Zika يقول...

تشبيهات رائعه يا ادم وجديده
وتحس ان التصوير حاضر كده وانا بقرا متخيل الاحداث ودي علامة الشعر المميز
تحياتي
وحمدا لله علي رجوعك للتدوين

الدرعمي يقول...

زيكو ربنا يخليك ويطمن قلبك .. أنا بكون قلقان لما أكتب عامي بحس إني بفشل مش عارف ليه .. يارب تكون لقيت فيلم ليلة البيبي دول عشان تفيدني بوجهة نظرك قبل ما أتكلم عنه .. تحياتي

mostafa rayan يقول...

ادم بيكتب عامي يا جدعان
الصراحة انت قوي جدا في الفصحي بس في العامي شغال بردو
بس اهم ما يميز هذه القصيدة خفةالدم اللي مكتوبة بيها
ربنا يوفقك يا جميل
لك كل التحية والود

الدرعمي يقول...

أيها المبدع الثائر مصطفى ريان أعزك الله وأيدك ووفقك .. أشكرك على رأيك وإطرائك

غير معرف يقول...

جراح تتكلم
تتألم
تتوجع
تمزق الساتر الكبير
وزهور من جديد تتفتح

من انا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الدرعمي يقول...

اللي يتحذف تعليقه يعني يمشي وميجيش هنا تاني .. دون تبرير من صاحب المدونة

الدرعمي يقول...

غير معروف : شرفتنا ونورتنا بس مش عارف مين انت .. اعذرني فأنا فاقد التركيز والتمييز هذه الأيام @ ادعيلي يابني ربنا ينعم علي بالاستقرار النفسي و هدوء الأعصاب

Unknown يقول...

حلووووووو جدا بجد الكلام عجبنى اوى الله ينور...والعسل معسول لى اصلا..شايفاها وهى بتتكلم

الدرعمي يقول...

ربنا يكرمك يادكتورة إنجي أنا حبيت أعبر عن حالة معينة على لسان واحدة ; لأن الكاتب زي ما انتي عارفة لازم ينوع حالاته والأشخاص اللي بيتجسدهم و يتقمص حالاتهم عشان يبقى فيه تجديد وتنويع وطرق لأبواب أبعد ، لم يطرقها أحد قبله < لآت بما لم تستطعه الأوائل > ادعيلنا ربنا يوفقنا يا أيتها القاصة الشابة المتألقة

غريب يقول...

جميل كلامك واصل في كتاباتك وما تحرمنا منها

الدرعمي يقول...

غريب ; مرحبا بك أيها الصديق الجديد وسأعيد عليك القول المأثور : يا ضيفنا لو جئتنا لوجدتنا نحن الضيوف و أنت رب المنزل < المدونة > وأشكرك على ذوقك

أحمــــــــدبــــــــــلال يقول...

أنا بموت فى الفيلم ده بجد بيحرك حاجة جوايا

حمدالله على السلامة
مش تقول أنك رجعت المدونة كنا فرشنا المدونات ورد

الدرعمي يقول...

أبو بلال ; بيحرك إيه بالظبط ؟ يعني هعمل إعلان في أهرام الجمعة يا حمو ؟ اللي قالك عرف وبلغك وهكذا .. بلغ انت بقى ، المهم انت واحشني و نفسي أقابلك أون لين عشان أرغي معاك

z!zOoOo يقول...

السلام عليكم

ازيك يا أدم يا ناسينا .. يارب تكون بخير

بيني وبينك انا بحس انك أجمل فعلا في الفصحي

بس ده ما يمنعش إنك لازم تجرب العامي وأهيه كلها تجارب مهمه وجديده بالنسبه لصاحبها وبتصقله

مش المفروض برضه نعرف إنك رجعت ولا نعرف بالصدفه ؟؟؟

بيتهيقلي المفروض نبقي اول ناس نعرف

يلا ما علينا

مش ناوي تشرفنا شويه في المدونه وتشرب شاي

أتمنالك المزيد من التألق

تحياتي

الدرعمي يقول...

زيزووووو < قمر الصعيد> الحمد لله يا حبيبي يا من لست أنساه .. أنا بردو مش بقتنع بإني أكتب عامي بس تجارب البدايات > يعني المبتدئ بيجرب نفسه في كذا طريقة وأسلوب عشان يعرف يحدد طريقه ومناطق ضعفه وقوته ويركز على إيه و يوفر جهده في إيه ... والله ماحبيتش أعمل بروباجندا واكتفيت بإني أقول ده عند واحد بس .. وكنت عارف إن أحبابي بيبلغوا بعض بالعودة ومع ذلك فهذا اعتراف مني ( موقع ) بتقصيري في حق أصدقائي المقربين لذا أعدك بالزيارة لشرب القهوة و تقديم حق عرب ... شرفتنا و أسعدتنا @ أسعد الله صباحك ومساك و عافاك من كل سوء دامت مودتنا وصداقتنا > تقبل وافر التحية

Related Posts with Thumbnails