الطرابيش الروشة

الطرابيش الروشة

الشعر في حياتنا أصبح شيء غريب

يعني قليل لما نلاقي واحد ماسك كتاب شعر

ولو حصل يبقى نهاره مش فايت

لازم ياخد واجب الضيافة تمام

يعني شوية تريقة على شوية نكت على تذكر مشهد في فيلم أو مسرحيه

طلع فيها واحد من اللي بيحبوا الشعر معفن مبيستحماش وكده

يعني تظبيط الزبون

تفتكروا إن اللي بيقروا الشعر بيقولوا علينا إيه ؟

يعني لو إحنا بننظر لهم على إنهم من أفندية عصر الطربوش

هم بيبصوا لنا على إننا إيه ؟

ده سؤال حيرني

لقيت بعد ما سألت واطأست واستفسرت

إن الجماعة بتوع قيس وليلى وعنترة بن شداد وشيبوب

مش لسة عايشين في عصر الطرابش ولا حاجة

أنا صاحبت ناس منهم روشين جدا وبيقولوا كلام مودرن

مش تقوقع تقوقعا قوقاعا واضرب لكم مثل ؟ كلكم عارفينه

فاروق جويدة

شيك أوي مظهره تمام بيقول كلام سهل مش معقد مفهوم وفي الحب

بصراحة بدأت أدور على كتبه وقصايده لما وقعت في المنيّل اللي اسمه .....

الحب

وكنت بلاقي في كلامه حاجات ينفع أقولها للبنت اللي كنت بحبها ساعتها

ولما سيبتها بردو لقيته كاتب حاجة بعتها لها في ماسيج

وزحلقتها .... لامؤاخذة

المهم إنهم مش زي ما كنت فاهم

ولو بتروحوا ساقية الصاوي في الزمالك

هتشوفوا جماعة آدم الأدبيّة

وتعرفوا رئيسها أيمن مسعود

وفيها محمد منصور الشاب السُّكرة وغيرهم

أتمنى إننا ندور على أماكن تجمّعهم

ونروح نشوف بنفسنا قعداتهم بتبقى لذيذة قد إيه ....

وسلام